شوف فيلم شىء من الرعب

[ندعوك للتسجيل في المنتدى أو التعريف بنفسك لمعاينة هذا الرابط] المشهد الأول

الضحكه دى.. الضحكه دى .. الخلجه دى.. البصه دى .. مالى الدهاشنه الخوف ..نيهاهاهاهاهاهاه
يا عينى يا عينى .. يا عينى ع الولد .. سموه على أسم أبوه ساعه لما أتولد

جيمى : بابا بابا بابا .. هو ليه أنت أتجوزت ماما؟؟
الأب : ايه السؤال الغريب ده يا جيمى
جيمى : أصل ماما باباها مصرى .. و مامتها أنجليزيه
الأب : و ايه يعنى يا جيمى؟
جيمى : ده معناه يا بابا أن جدتى أنجليزيه
الأب : و ايه يعنى برده يا جمى؟
جيمى : ده معناه حسب دستور الدهاشنه أنى مش هقدر أبقى رئيس من بعدك
الأب : ليه بس كده يبنى!! فأل الله و فألك
جيمى : ايوه يا بابا الدستور بيقول أن لازم رئيس الدهاشنه يبقى من أب و أم مصريين .. و ماما نص مصريه .. و كمان جدتى أنجليزيه مش مصريه
الأب : أيوه يا جيمى يبنى .. بس من أمتى و أحنا بنمشى بكلام الدستور بس
جيمى : بس كده يبقى باطل يا بابا؟؟
الأب : هى جت على ديه يعنى
جيمى : ايوه يا بابا .. طب نغير دستور الدهاشنه
الأب : بص يا جيمى يبنى .. الماده دى من دستور الدهاشنه لا يمكن تتغير .. لأن دى ماده ثابته و الا كانت أتغيرت و دخلوا نظام الأحتراف فى البلد و جابو رئيس برازيلى ولا برتغالى يمسك مكانى
جيمى : قصدك يا بابا أنى هبقى رئيس من بعدك بالباطل .. ده غير كمان أن المفروض فلاحيين الدهاشنه يختارونى .. مش حضرتك ألى تخترنى
الأب : ايوه يبنى .. خلصت المناقشه .. أنت لسه عضمك طرى و صغير .. لازم أقويك
جيمى : أزاى يا بابا
الأب : أنت هتسيب فؤاده و تتجوز خديجه .. و هعلمك أزاى تبقى مفترى زى أبوك
جيمى : لا يابا أنا بحب فؤاده لاااااااااااااااااا
الأب : أخرس يا ولد

[ندعوك للتسجيل في المنتدى أو التعريف بنفسك لمعاينة هذا الرابط]الله الله الله .. البت ورده بيضه .. خلى بالكوا يا ساده
فى عنيها نار و جنه و عند و شده و هواده
البنت من الدهاشنه .. و أسمها فؤاده
المشهد التانى

يا عينى يا عينى .. يعينى ع الوله .. يا عينى يا عينى .. يا عينى ع الولد
الواد ابو جلب لين .. صبح غير الولد .. ضاع منه جلبه الأبيض وسط صريخ البلد
الأب : الوصيه الأولى : طلع عين أم الشعب يحبك و يسمع كلامك .. حب الشعب و اسمع كلامه يطلع عينك
جيمى : حرام يابا كده
يلطش الأب جيمى على وشه و يقوله
فهمت يا حيواااااااااااان
جيمى : حاضر يابا .. حاضر
الأب : الوصيه التانيه : الدهاشنه كلها ملكك .. أسرق كل ألى يقف قصادك
جيمى : أبقى حراااااااااااامى .. لا كده عيب يابا
يلطش الأب جيمى على وشه و يقوله
فهمت يا حيوااااااااااان
جيمى : مفهوم يابا .. مفهووووم
الأب : الوصيه التالته : رش على رجالتك .. يخدموك بعنيهم
جيمى : رش الميه عداوه .. نياهاهاه .. هيع هيع هوهووووووووو
يلطش الأب جيمى على وشه و يقوله
هتهرج يا حيليتها
جيمى : أى ! .. انا أسف يابا .. أنا أسف
الأب : الوصيه الرابعه : الرجوله أدب مش هز كتاف
جيمى : أحنا كده دخلنا على فيلم الناظر مش شئ من الخوف يابا .. أى !! .. أنا أسف يابا .. أنا اسف
الأب : و عشان أضمن أنك بقيت راجل لازم أجيبلك واحد من الشعب تدبحه بالسكينه أدام عينى
جيمى : لا يابا أستحاله .. كده أوفر .. فى الفيلم كانت فرخه
طرااااااااااااخ
جيمى : أدبحه يابا .. أدبحه

الأب غاضب .. غاااااضب .. من رجه الولد
يا عينى يا عينى .. يا عينى ع الولد .. يا عينى يا عينى .. يا عينى ع الولد
الواد ابو جلب لين .. صبح غير الولد .. ضاع منه جلبه الأبيض وسط صريخ البلد

المشهد التالت

[ندعوك للتسجيل في المنتدى أو التعريف بنفسك لمعاينة هذا الرابط]

الأم : جيمىىىىىىىىىى .. جيمىىىىىىىىىىىىى
جيمى : خير يامه ؟
الأم : ابوك يا جيمى .. أبوك
جيمى : ماله ؟
الأم : واحد من الدهاشنه قتله

الواد أبو جلب لين .. صبح غير الولد .. ضاع منه جلبه الأبيض وسط صريخ البلد

جيمى : يا رجاااااااااااااااااااااااااله يا رجاااااااااااااااااااااااااااله أقطعوا الميه على الدهاشنه .. و هاتو كل كبار الدهاشنه
طاخ طاخ طاخ طاخ
جتلتهم .. جتلتهم كلهم .. الدهاشنها كلها هتدفع الثمن
المشهد الرابع
[ندعوك للتسجيل في المنتدى أو التعريف بنفسك لمعاينة هذا الرابط]
الضحكه دى .. الضحكه دى .. الخلجه دى .. البصه دى .. نياهاهاهاه .. مالى الدهاشنه الخوووووووف
مالى الدهاشنه الخوووووووووووووف .. أهوه

فؤاده : شوفت يا خال .. جيمى سابنى عشان خديجه يا خال
يحيى شاهين : الموضوع مبقاش موضوع جواز .. جيمى بقى الريس بالباطل
فؤاده : سورى صحيح .. نسيت أقولك البقاء لله على أبنك محمود ألى قتله جيمى قبل ما يتجوز بوسى
يحيى شاهين : الموضوع مبقاش موضوع محمود .. جيمى بقى الريس بالباطل
فؤاده : أنا هفتح حنفيه الميه العموميه .. الدهاشنه هيموتوا من العطش .. الميه مقطوعه على طول .. و الدهاشنه معهمش فلوس يشتروا ميه معدنيه
يحيى شاهين : جيمى بقى الريس بالباطل
فؤاده : أنت علقت ولا ايه يا عم يحي شاهين
يحيى شاهين : بااااااااااااااااطل بااااااااااااااااااااطل
و هنا الدهاشنه كلهم ولعوا الشعل و مشيوا وراه
باااااااااااااااااطل بااااااااااااااااااااطل
يحيى شهين : رياسه جيمى من الدهاشنه باطل
باااااااااااااااااااطل بااااااااااااااااااااطل
باااااااااااااااااطل بااااااااااااااااااااطل

النهايه

[ندعوك للتسجيل في المنتدى أو التعريف بنفسك لمعاينة هذه الصورة]

شكرا على مواضيعك الفنية الجميلة ديه

» فيلم بو بوس
» فيلم خمسة باب
» فيلم ظرف طارق
» فيلم اشاعة حب
» فيلم شمس الزناتي حصريااااا