عادة الصبايا هنن مين بيعتنوا بأنافتهم لدرجة كبيرة أكتر من الشباب وهاد شي معروف
وفي وجهة نظر يمكن صحيحة إنو الهدف من هالشي شيئان :
1- إنو بس تطلع هالصبية الحلوة تلفت نظر هالشباب وتسمع منهم شي كلمة حلوة تسر نفسها شوي
2- تتميز بأناقتها عن بنات جنسها وتطلع الأحلى إن كان هالشي ممكن
هاد باللبس
بالحكي والسهرات : الحمد لله الشباب أقل حكي من الصبايا
ولحتى نضرب مثل يأكد هالكلام
اسمع هالحديث
بداية الحوار
الأولى : الله ، قصيتي شعرك !! والله طالع بجنن !
الثانية:انتي شايفة هيك ؟ بس حسييت وقت شفت حالي بالمراية انو منفوش !
الأولى : لا والله .. لك طالع بمخول ،
وانابدي اعمل نفس التسريحة بس حسيت ان وجهي مليان شوي وما حتمشي معي هالتسريحة ،
وعم شوف انو ما حيمشي مع هاالانف الا هالتسريحة اللي تشوفيني فيها دائما.
الثانية : حاجتك بقا ! انا شايفه ان وجهك كامل مكمل ،
وتمشي معه كل التسريحات وبتطلع عليكي احلا ، مومتلي ..
ما عم اختار الا تسريحات معينة تخلي الناس ما ينتبهو لرقبتي اللي متل رقبة الزرافة .
الأولى :شو هالحكي هاد .. والله رقبتك حلوه وانا بتمنا يكون عندي متلا مشان تصرف النظر عن كتافي اللي متل كتاف لاعب الفوت بول الامريكية .
الثانية : بدك نصيحتي ، والله كل البنات اللي بعرفهن بالجامعة بيتمنو كتاف متل كتافك ، يعني ما بتتعبي بقياس التياب الجديدة .. يعني معليش .. شوفي ايديي اديش صغار .. لوالي كتاف متل كتافك كان ما تبهدلت اذا اشتريت تياب جديدة وتطلع قياساتها مظبوطة !
انتهى الحوار
طبعا للأمانة الحوار السابق منقول للفائدة
أما حوار الشباب فهو بداية الحوار:
الأول : قصيت شعرك ؟
الثاني : ايه
الأول : نعيماً.
الثاني : الله ينعم عليك
انتهى الحوار
ولحتى نختم الموضوع بابتسامة اسمهوا هالحكاية
شاب عم يحفر بلأرض فجأة وجد فانونس ومتل أكيد مابتعرفو طلعو المارد وقلو العبارة المعتادة
وسأله عن أمنية بيطلبها فطلب هالشاب من هالمارد إنو يعم السلام بالشرق الأوسط بس المارد
للأسف اعتذر وقال هالشعوب من الاف السنين بتكره بعضها ومش حابة ترتاح هلق بدك ياني حل
مشكلتها مابقدر وسئله في شي تاني فرد الشاب أي بدي بنت حلوة كتير لسانها قصير قنوعة كتير
بتحب أمي متل أمها ومستعدة تعيش معي ع الخبزة والزيتونة وع حصير ...........إلخ
هون هالمارد تكهرب ورد بالله شوكانت أمنيتك الأولى أنا حاضر
أسف طولت كتير
خدو الموضوع بروح رياضية ومن دون زعل لأن الأرض بلا الصبايا ما بتنعاش
وتقبلو فائق المحبة للجميع
